मेरो अखबार
बाँके, नेपालगन्ज/ निर्माणाधीन नेपाली चलचित्र ‘ माया ‘ को नेपालगन्जमा कलाकार छनौटका लागि अडिशन हुने भएको छ । फिल्ममा केही मुख्य कलाकारको फाइनल भएपछि थप केही कलाकारको आवश्यक पर्ने भएकाले अडिशन हुने भएको हो ।
बाँके र बर्दियाको विभिन्न ठाउँमा चलचित्र छायांकन हुने भएपछि स्थानीय कलाकारलाई प्राथमिकतामा राखेर कलाकार छनौटका लागि अडिशन हुने भएको छ । यहीजेठ १६ गते बिहान ११ बजे नेपालगन्जको विपिचोक नजिक रहेको सुनाखरी रेस्टुरेन्टमा अडिशन हुन लागेको हो ।
चलचित्रमा नायिका नम्रता श्रेष्ठ, सरूक ताम्राकार र दीप श्रेष्ठ भने मुख्य भूमिकामा रहने फाइनल भएको छ । र बाँकी कलाकार अडिशन मार्फत छनौट गर्ने भएकोहो ।
‘ प्रतिभा भएरपनि अवसर नपाएको कलाकारलाई अवसर दिन यो अडिशन गर्न लागेको ‘ चलचित्र निर्देशक राजिब गुरूंग बताउँछन् ।
अडिशन मा जम्मा सोरह कलाकारलाई छानिनेछन् जसमा जगबीर चौधरीको भूमिकामा एक जना , छिरिङ्गको भूमिकामा एकजना उमेर करिब 30 वर्षको ,27 देखि30 वर्ष उमेरका सातजना पुरूष कलाकार र 23 देखि 25 वर्ष उमेरका आठजना महिला कलाकार छानिनेछन् ।
मेरो अखबार । १४ जेष्ठ २०८०, आईतवार २०:०९