मेरो अखबार
नेपालगन्ज, भदौ १३ । बाँकेको नेपालगन्ज उपमहानगरपालिका क्षेत्रभित्र सार्वजनिक जग्गा अतिक्रमण गरी निर्मित संरचना हटाउन शुरू गरेको छ ।
बुधबर नेपालगन्ज उपमहानगरपालिका कार्यालयले दैलेखकी बंगला र बागेश्वरी मन्दिरको पूर्वपट्टी न्यूरोडमा सार्वजनिक जग्गा अतिक्रमण गरेर निर्मित टहरालाई डोजर चलाएर हटाएको हो ।
उच्च अदालतको आदेश अनुसार सार्वजनिक जग्गा खाली गराउन थालिएको नगर प्रमुख प्रशान्त विष्टले बताएका छन् । सो क्रममा नगर प्रमुख विष्टसहित प्रवक्ताप्रमोद रिजाल, वडा नम्बर २ का वडाअध्यक्ष मनोज श्रेष्ठ लगायत पुगेका थिए ।
स्थानीय सरकार कार्यसञ्चालन ऐन–२०७४ अनुसार सार्वजनिक जमिन संरक्षण तथा सम्बद्र्धन गर्ने जिम्मा स्थानीय सरकारलाई प्रदान गरिएको छ ।
मेरो अखबार । १३ भाद्र २०८०, बुधबार २१:०८